C'l artìcul chè 'l è scrit in
Miranduléś |
![]() | ||
Urban Legend 3 | ||
![]() L'Audra Lea Keener in na figùra dal film | ||
Legénda urbàna 3 2005 | ||
---|---|---|
Regìa: Mary Lambert | ||
Scritōr: Michael Dougherty • Dan Harris | ||
Atōr: Kate Mara • Robert Vito • Tina Lifford Hailey Evans • Jeff Olson • Audra Lea Keener Lillith Fields • Don Shanks • Brandon Sacks Olesya Rulin • Nate Herd • Nancy Everhard | ||
Müsica: Scooter Pietsch • Jeff Rona | ||
Léngua: Ingléś | ||
Dürä dal film: 93 minüt | ||
Nasiōṅ: Stat Unî |
Urban Legend 3 (Legénda urbàna 3) 'l è 'n film ad scarésa americàṅ dal 2005 dla Mary Lambert, séguit 'd Urban Legend dal 1998 e 'd Urban Legend - Final Cut dal 2000.
La pelìcula, vgnuda fóra diretamènt p'r al marcâ d'l home video, l'è stada giràda a Salt Lake City.
In dal 1969, in n'università dal stat dal Utah, un śugadōr ad fùtbol americàṅ d'l istitùt al culpìs c'n un marùc faghénd-la cascàr a 'l indrē na ragàsa ch'al vliva gusàr-as cun la śdòrmia, la Mary Banner (Lillith Fields). Cardénd-la mòrta, al la sèra dènt'r a 'n baùl par lugàr al sò còrp, pò al scàpa via par far-la frànca acsè cuma dū àtar sò cumpàgn ch'i gh l'ìvan cavàda invéci a ciulàr dū śōvni a 'l bal dla scóla druànd al rivotril. La Mary, ch'l'iva ciapâ sōl na bòta in dla suca pardénd i sèns, la mōr lè dèntar par fam e par sē.
Trénta-sinc an dòp tri amìghi ad cla scóla lè, la Samantha Owens (Kate Mara), la Martha (Hailey Evans) e la Mindy (Olesya Rulin), i dascóran in dla sò cambra da lèt ad cal brut fat lè durànt la nòt dal bal dla scóla esénd che ninsòṅ di masć al li à invidàdi a la fèsta parchè i ìvan scrit un brut artìcul su 'l giurnàł d'l istitùt su la squàdra 'd fùtbol. La matìna dòp, che lōr i s déśdan sénsa arcurdàr gnint in un mulèṅ bandunâ. La Samantha la créd ch'a sia òpra di mémbar dla squàdra 'd fùtbol, na sò vindéta par 'l artìcul.
A n sèrt punt soquànt studènt dla scóla i tàc'n a murìr a 'l impruvìś: Roger Dalton (Brandon Sacks) brustlî viṿ in un lèt par brunśàr-as 'd un sènt'r estètig, l’Heather Thompson (Audra Lea Keener) dòp ès'r-as tiràda via p'r al dulōr, druànd un spèć, la pèl dla sò ghigna in dua 'n ragn 'l iva fat i óṿ in dla sò carna e Tom Higgins (Nate Herd) ch'l'iva ciapâ la scòsa pisànd atàc a na réda cun l'élta tensiòṅ scrucàda tut 'd un trat.
Andànd a dascórar cun la Grace Taylor (Tina Lifford), na négra fiōla di fiōr viulentàda in dal 1969, la Samantha e 'l sò śmèl David (Robert Vito) i vìn'n a savēr ch'al vitmi i èṅ tuti fiōi di stupradōr e dal sò grup, a pâr na vindéta dla Mary cgnusùda cuma Bloody Mary.